香港 P 牌新手扎記
Notes for Probationary Driver in Hong Kong

合格左，幾時先可以攞到個 P 牌 ?

Um… 係既，如果係趕住出車，又或者想盡快甩 P，越快越好。不過，冷靜下先，合格左，佢會夾左份野比你睇。跟佢做就唔洗估。

我當時 (3/2023) 既資料係：合格後四個工作天到三年之內。有人話合格左第二日去申領就有，我就唔敢博。因為你親身去過排隊，就知三個鐘係基本。同時，睇住條隊既保安係會問你幾時合格，你話尋日既話，佢會叫你過幾日先黎過。

如事者，我就乖乖地等足四個工作天，第五天就請假去排隊。我認為，呢一個係官方最快換到個 P 既流程。上網申請，處理連郵寄，相信唔會少過四個工作天。

「棍 VAN」 過度去揸「 自私」

係既，識揸棍，去揸自，係無大問題既。筆者係一名好謹慎既人。架車未到手時，已經搵師傅補定鐘。一上車，自動波既野，師傅 5 分鐘就講晒。速度感呢樣野，可能我係名資深既學神，學車時，棍 VAN 有上過 4 波既經驗。換到坐上自私，加油加速好自然就去。自然到同加監距離變得好近……

車CAM特警 - YouTube 係一個提醒你，俾你認識世人心目中既 X 街。不過，睇，真係唔夠，要吸收、要補既係路面經驗。真係有架車出去感受下，我覺得好重要。

考車考既，佔實際遇到既野少。

補鐘，其中一個需要係要有架車，要有個人及時作出安全既反應。馬路上既野，唔好不負責任地去試，你試既唔只你條命，仲有人地條命。老老實實，我補鐘行過屯公、元公、粉公、吐公、大埔公路，真係應付得黎先一個人出車。

未完待續……

參考資料：

駕駛初哥不可不知的「P」 - 1823 

車CAM特警 - YouTube